Anche nel secondo atto la scena si svolge in casa di donna Filomena

SCENA I

(Solo Vittoria, Pio, Filomena)

Vittoria: – (Vittoria si alza, si avvicina a Pio e per ringraziarlo del complimento che le ha fatto gli dà un bacio sulla fronte) Pio le tue parole sono state un complimento bellissimo per me e (lo bacia) questo mio bacetto innocente è per dirti grazie. Ora se vuoi ti puoi dire la giaculatoria che ti ha suggerito tua madre.

Sem. Pio: – No, non fa bisogno, perché è stato un bacetto innocente, quindi non è peccato

Filumena: – ‘U fattu è ca to matri va e veni troppu r’ ‘a chiesa e li cosi li viri sempri cu li paraocchi.

Sem. Pio: – Mia madre è pienamente convinta che sarò un sacerdote ma io le dico sempre che solo il Signore sa con certezza quale sarà la strada di ognuno di noi. Quindi sarà quel che sarà.

Vittoria: – Sante parole: Dio vede e provvede e ad ognuno assegna il suo percorso di vita.

Filumena: – Ju dicu megghiu un bonu siculari ca un tintu parrinu.

Vittoria: – Vado a prendere il vocabolario di latino così cominciamo a tradurre queste versioni

Sem. Pio: – Certo, Signora Filomena, lei ha una figlia della quale può veramente essere orgogliosa.

Filumena: – Sugnu cuntenta ri me figghia, ricanuscenti a lu Signuri e pi piaci ca tu l’apprezzi, ma s’avissi avuto un figghiu masculu, allura si ca fussi filici, anchi si si rici ca cu è filici è pazzu.

(Ritorna Vittoria col vocabolario latino, ma nello stesso momento suona il citofono.Vittoria posa il vocabolario sul tavolinetto e va ad aprire)

SCENA II

(Vittoria, Pio, Filomena e Angelo)

Vittoria: –  Cu è?

Voce f. campo: – Vittò ju sugnu, Ancilu, mi rapi? 

Vittoria: –  Acchiana Ancilù!

Angelo: – (Entrando) Ciao, Vittò stamatina ti scacciai l’occhiu, ci viri ancora Vittò?

Vittoria: – Ancilù, ma tu ‘n’ è ca mi tirasti na petra ‘nta l’occhiu! Fu l’occhiu to chi fici rapi e chiuj. Trasi, trasi.

Angelo: – Piu, mi rissi a mamà vai a casa, picchì c’è ‘u sartu ca t’av’a pigghiari i misuri pi fariti ‘na tonaca nova.

Sem. Pio: – Cosa devo farmene di un’altra tonaca nuova? Io piuttosto avrei bisogno di un bel vestito nuovo o come si chiama “Clergyman”

Vittoria: – Si Pio fatti comprare un bel vestito a quadri beige e marrone, penso ti starà a pennello.

Sem. Pio: – No Vittoria questi colori per noi seminaristi non sono ammessi, noi possiamo indossare o il nero o tutt’ al più il griggio.

Filumena: – Più(zzu), o griciu o nivuru, ammenu si vistutu ri masculu! E no sempri ‘nfardiddatu ri ‘sta tonaca chi ti pô fari truppicare.

Sem. Pio: – Vittoria pazienza devo andare, ma più presto che posso ritorno per studiare.

(Squilla il telefono, risponde Flomena)

Drinnn….drinnn….drinnn…..

Filumena: – Arrivu, arrivu, pronto….pronto. Ah tu si Pasquì……si semu rintra? Nca certu dunni avissimu a essiri? To maritu comu si senti? …………….si ma ‘u duliri ‘nte rrini ancora l’avi?………Si ma si nun finisci ‘a cura…………… voj veniri cu Cristina? …………Certu ca putiti veniri. V’aspittamu anzi faciti prestu ca c’è puru Anciluzzu ‘u figghiu r’Assuntina e nni pigghiamu ‘u café. Va be’! Mettu a cafittera ‘ncapu.

Angelo: – Donna Filumé cu è chi avi a cura?

Filumena: – ‘U sceccu, Ancilù, avi ‘a cura. Me cugnatu, ‘u patri ri Cristina, avi dulura e si sta facennu ‘na cura ri gnizioni.

Angelo: – Stamatina, quannu Cristina vinni cca, mi scacciau l’occhiu. Vittò mi la rici ‘na cosa, picchì mi scacciau l’occhiu, chi vor diri?

Vittoria: – Stamatina tu scacciasti l’occhiu a mia, picchì ‘u facisti?

Angelo: – Picchì accussì mi rissi me ma’

Vittoria: – Ora ti lu ‘nsignu ju. Si tu scacci l’occhiu a una eni comu si cci ricissi: “Ti voj fari zita cu’ mia?

Angelo: – Allura Vittò, ti voj fari zita cu’ mia?

Vittoria: –  No, ma quannu mai. Ju ti nn’aju scacciatu occhiu a tia? No. Perciò si ti voj fari zitu, ora comu veni Cristina, ca già stamatina scacciau l’occhiu a tia, cci lu scacci tu puru a idda e vi faciti ziti. (Suona il citofono…) Mamà va rapi ca to soru èni

Filumena: – (Dal portoncino d’ingresso…) Pasquì tu sî,……. Acchianati.

Vittoria: – Ancilù, cca c’è Cristina, comu ti saluta, tu ‘a talii e cci scacci l’occhiu

SCENA III

(Filomena, Pasquina, Vittoria, Cristina

Filumena: – Trasiti

Pasquina: – (Entando stringe la mano e bacia Filomena e Vittoria, poi stringe la mano ad Angelo…) Ciau Filumé

Filumena: – Ciau Pasquì, comu stai?

Pasquina: – Ciau Vittò, mi pari ca sì cchiù bedda oggi!

Vittoria: – Ciau za Pasquì, nun lu sacciu ma sugnu cuntenta e nun sacciu picchì!

Cristina: – Ah, ju ‘u sacciu chi avi me cucina: stamatina vinni Piu ru collegiu! Ma cca cu c’è Anciluzzu? (Porge la mano ad Angelo) Ciau Ancilù (e gli strizza l’occhio)

Angelo: – Ciao Cristì (e anche lui le strizza l’occhio) ti voj fari zita cu’ mia?

Cristina: – Mamà, mamà ‘u sintisti Anciluzzu chi mi rissi?

Pasquina: – Chi ti rissi?

Cristina: – Ti voj fari zita cu mia?

Filumena: – E tu cci lu ricisti Sì? (Suona il citofono)

Vittoria: – (Corre con ansia ad aprire, sperando sia Pio) Chi è?

SCENA IV

(Vittoria, Pio, Filomena, Cristina, Pasquina, Angelo)

(Dall’esterno): – Sono io, Pio.

Vittoria: – Vieni, vieni su!

Sem. Pio: – È permesso? Disturbo?

Filumena: – Trasi, trasi, tu mai disturbi figghiu meu, si mi lu permetti.

Cristina: – Piu, Piu, Piu ‘u sai? Ju e Ancilu nni ficimu ziti!! (Fa una pausa, mentre giocherella a tirarsi il labbro inferiore), Uhmmm! Picchì nun vi faciti puru ziti tu e Vittoria?

Pasquina: – Cristina, figghia mia, ma chi dici? – addumanna scusa a don Piu!

Cristina: – Picchì, mamà, parrinu ancora nun c’è e quannu vinni pi Natali e ghiucamu a tummula, ju vitti ca a Vittoria s’ ‘a manciava cu l’occhi.

Vittoria: – Ma chi dici Cristì, ju cca sugnu tutta sana!

Sem. Pio: – Sono contento per te e mio fratello Angelo, invece, al momento io so che sono un seminarista, domani non lo so, lo deciderà il Signore.

Angelo: – Allura ju mi nni vaju r’accussì cci lu dicu a me mà ca nni ficimu ziti.

Cristina: – Ancilu e chi fa nun veni cchiù?

Angelo: – Certu ca vegnu, tu m’aspetti?

Sem. Pio: – Scusami Vittoria, che fa ci sediamo e cominciamo a tradurre?

Filumena: – Talé Pasquì nuatri tri jamuninni ‘n cucina a pigghiarini ‘u café, r’accussì i picciotti sturianu.

Cristina: – E si veni ‘u me zitu?

Filumena: – Talé, talé chi cci va sapurita a diri ‘u me zitu, pari ca fussi ‘nsignata!

SCENA V

(VITTORIA, PIO e infine Filomena)

 (Vittoria va a sedersi sul divanetto, mentre Pio sta per sedersi dall’altro lato del tavolinetto sul quale c’è già un vocabolario, un libro di latino e due quadernoni)

Vittoria: – Pio ma che fai? Lì ti siedi? Vieni a sedere qui accanto a me non ti preoccupare che non ti mangio, come, invece, (ridendo) hai fatto tu.

Sem. Pio: – No, ma figurati, anzi, (abbassando la voce) ti dico la verità, a me piace starti vicino, però se viene mia madre.

Vittoria: – Intanto vieni a sedere qui (Batte la mano destra sul divano). In ogni caso se viene tua madre, prima suona, poi io le apro il portone, infine deve salire le scale, tu hai benissimo il tempo di cambiare posto.

Sem. Pio: – Allora mi siedo, mi hai convinto e poi visto che il vocabolario è uno solo ci viene più comodo stando accanto.

Vittoria: – Incominciamo a tradurre questa mia che è dal latino in italiano. Sono dei versi tratti dalle Bucoliche di Publio Virgilio Marone: (Leggendo)

Omnia vincit Amor: et nos cedamus Amori.

70Haec sat erit, divae, vestrum cecinisse poëtam

dum sedet et gracili fiscellam texit hibisco,

pierides: vos haec facietis maxima Gallo,

Gallo, cuius amor tantum mihi crescit in horas,

quantum vere novo viridis se subicit alnus.

75Surgamus. Solet esse gravis cantantibus umbra;

iuniperi gravis umbra, nocent et frugibus umbrae.

(Tutto vince Amore, e anche noi cediamo all’Amore”. 70 Basterà che questo abbia cantato, Muse, il vostro poeta, mentre siede e intreccia fiscelle con l’ibisco sottile: voi farete queste mie cose grandi per Gallo, Gallo, per cui il mio amore cresce di ora in ora, come s’innalza il verde ontano nella primavera. 75 Alziamoci, perché l’ombra è molesta a chi canta, l’ombra del ginepro; l’ombra nuoce anche alle messi.)

Sem. Pio: – Ah questi sono versi bellissimi, li conosco, infatti il primo verso lo so a memoria: “Omnia vincit Amor: et nos cedamus Amori”

Vittoria: – Si ma io non lo capisco!

Sem. Pio: – Questa è la traduzione: (Quando Pio sta iniziando a fare la traduzione ha la mano sinistra sul tavolo e Vittoria delicatamente gli poggia sopra la sua) «Tutto vince Amore: e noi cediamo all’Amore»

Vittoria: – Scusami Pio dice soltanto ….e noi cediamo all’Amore? oppure: …e noi (Marcando con la voce la prossima parola) due cediamo all’Amore

Sem. Pio: – Non lo so, Vittoria. (Con voce quasi tremula) Ma che ci sta succedendo?

Vittoria: – Te lo dico io Pio: NOI DUE CEDIAMO ALL’AMORE

Sem. Pio: – Ah Vittoria, se lo sente mia madre!!!

Vittoria: – ‘U sai chi ti ricu, ci rici a to ma’ ca si cci fa idda parrinu!

Sem. Pio: – A questo punto, devo confessarti una cosa: io, è vero è da Natale che penso a te ed è vero che mentre giocavamo a tombola ti guardavo in modo così intenso perché volevo imprimere il tuoi occhi nei miei e così per tutti questi mesi ogni sera a letto chiudevo gli occhi e ti rivedevo. Io non ho più la vocazione, ma non so come dirlo a mia madre.

Vittoria: – Nenti ‘un ti scantari, ci penza me matri. Me matri voli parrari cu’ patri Cirillu, e cci penza iddu pi pirsuariri a to matri.

Sem. Pio: – Mi piace l’idea. Invece per mio fratello Angelo non c’è nessun problema, incontra tua cugina e si fidanza.

Vittoria: – Eppuru nun è d’accussì, picchì to matri a quantu pari voli diciriri idda pi tutti. S’ avia misu ‘ntesta ca ju m’avia fari zita cu to frati, ‘nfatti stamatina ‘u mannau cca e cci rissi: quannu viri a Vittoria scacciacci l’occhiu.

Sem. Pio: – Vittò, sai chi ti ricu…

Vittoria: – (Facendogli una leggera carezza sulla guancia) Ah! E bravu puru tu sai parrari ‘n sicilianu, allura chi mi vulivi diri?

Sem. Pio: – (Facendosi audace le prende una mano) chiama a to matri e cci dici chi telefona a patri Cirillo, picchì ju ormai sugnu decisu: nun tornu cchiù ‘n siminariu, ju ti AMU Vittoria.

Vittoria: – Ah, sì! Tu canti Vittoria? Ju sugnu e cantu Vittoria! Picchì avi di quannu eramu picciriddi (caruseddi) chi ti amu. Mamà veni cca.

Filumena: – Vittò, a mia voj?

Vittoria: – Si, sì veni prestu ca t’am’ a diri ‘na cosa ‘mpurtanti.

Filumena: – Chi c’è, chi fu?

Vittoria: – Mamà sai? Mentri sturiavamu c’era ‘na frasi chi dici: Omnia vincit Amor: et nos cedamus Amori.

Filumena: – Vittò ma comu parri? Chi significa?

Vittoria: – Ora ti lu rici Piu!

Sem. Pio: – Allura rici r’accussì: «L’Amuri vinci ogni cosa, e nuatri dui ciremu a l’AMURI». Ju nun tornu cchiù ‘n siminariu e si vossia è d’accordu ju e Vittoria nni facemu ziti.

Vittoria: – Sulu ca c’è ‘u probbrema di so matri. Ora tu telefoni a patri Cirillu e cci rici ca cchiù tardu veni cca picchì hai ‘nteressi ri parraricci.

Filumena: – No figghia mia, siccomu so matri av’a nesciri, ‘nveci di telefonarici, cci va Piu ‘n chiesa e cci porta ‘a mmasciata

SCENA VI

(Vittoria, Pio, Cristina, Pasquina e Filumena)

(Pasquina e Cristina, che erano rimaste nell’altra stanza, rientrano in scena)

Pasquina: –  Vittò, nuatri nni ni emu, bonu studiu!

Vittoria: – Si, grazii, ma megghiu ri comu avemu sturiatu, nun si po’. ‘U latinu, oramai, nun mi fa cchiù ‘mpessioni. Piu fu r’accussi bravu ca mi fici capiri tanti cosi e iddu capiu tanti cosi ri matematica.

Pasquina: – Cuntenta sugnu, Vittò, ca cu’ Piu, ‘ntra latinu e matematica, vi sapiti capiri.

Vittoria: – E comu si nni sapemu capiri, (Ripete sulla guancia la carezza di prima) nun è veru Piu’?

Sem. Pio: – (Prendendole la mano) Si è vero, oggi mi sono tolto un peso dalla coscienza, anche se mi resta un grosso problema: mia madre!!!

Vittoria: – ‘Nzumma mamà ‘u capistivu ca Piu nun torna cchiù ‘n seminariu e tutti dui nni vulemu beniri? però mi raccumannu za Pasquì e Cristì, comu si rici: panza china e mussu asciuttu!

Filumena: – Allura, figghia mia veru è ca si Vittoria di nomu e di fattu!

Cristina: – Vittò, ti lu giuru (Si porta due dita della mano destra alla bocca e li bacia davanti e dietro per suggellare il giuramento) di mia nun saprà nuddu nenti.

Suona il citofono e Filomena va ad aprire

SCENA VII

(I suddetti + Angelo)

Filumena: – Cu è?

Voce fuori campo: – Donna Filumé, ju sugnu Ancilu, a me zita ancora ddocu eni?

Filumena: – Si ancora cca è, acchiana!

Angelo: –  (Entrando) E sugnu arrè cca!

Cristina: – Ancilù sai chi t’è diri? Piu e Vittoria…. (Viene interrotta sbito da Vittoria)

Vittoria: – Menu mali c’avivi giuratu, ma oramai diciccilu ca nni ficimu ‘na versioni ri latinu e un eserciziu ri matematica

Cristina: – Ju propriu chissu cci stava ricennu. Tu c’avivi caputu Vittò?

Pasquina: – Cristì, amunì ca to patri ci voli picca e veni, r’accussì emu a priparari pi’ manciari. Salutamu a tutti.

Cristina: – Aspetta mamà ca rugnu un bacettu a lu me zitu. (Si avvicina ad Angelo e lo bacia sulla guancia).

(Pasquina e Cristina lasciano la casa di Filomena)

SCENA VIII

(Angelo, Vittoria, Pio e Filomena)

Angelo: – Piu ‘a mamà sta vinennu cca, pi’ viriri c’aviti fattu tu e Vittoria, perciò ju vi ricissi d’assittarivi ‘n’anticchia cchiù luntanu, poi comu vuliti fari faciti.

Vittoria: – Ma tu perora ‘un ci riri nenti ca semu assittati allatu, ca ora n’alluntanamu!

Angelo: – Donna Filumé vossia c’è cuntenta ca mi fici zitu cu so niputi?

Filumena: – Certu ca sugnu cuntenta, e tu ci lu ricisti a to matri?

Angelo: – Ci lu rissi e idda mi rissi: Tu cu Vittoria t’avivi a fari zitu.

Vittoria: – Ragiuni avi to ma’, ma Vittoria nun si vulia fari zita cu tia, picchì ju ’u zitu cci l’haju.

Angelo: – Vittò, Vittò cu è  ‘u to zitu, Piu?

Sem. Pio: – Angelo, per favore, smettila e vattene a casa.

Angelo: – Za Filumé ora ca sugnu zitu cu Cristina ju ci vegnu puru niputi, com’è idda, o no?

SCENA IX          

(Assunta, Vittoria, Pio e Filomena)

(Pio si alza e va a sedere di fronte a Vittoria e nello stesso momento dalla strada si sente la voce di donna Assunta)

Dalla strada: – Filumè, mi rapi?

Filumena: – Acchiana Assuntì.

Assunta – Piu, figghiu miu ma tu in chiesa nun ci vai a diriti li cosi ri Diu (orazioni) ri lu pomeriggiu? Lenta ‘n’anticchia e ci vai e ‘un tu scurdari, quannu torni poi continuati a sturiari e, mi raccumannu sempri, si c’è ‘na ‘ntantazioni diciti subitu ‘a giaculatoria: Signuri Gesù aiutami Tu!

Vittoria: – Più, bona mi pari a pinzata ri to matri. Nni ripusamu un pocu, tu ti rici li cosi ri Diu e cci runi i saluti nostri a Don Cirillu, però nun ti l’ha scurdari.

Assunta – Bihhh! Talé chi lu pigghia ‘mpizzu a me figghiu! Vittò, ma nun è ca t’avissi futtutu a testa pi’ ss’anticchia ri matematica chi cci stai ‘nsignannu.

Filumena: – Araciu, ‘un curriri Assuntì, ma chi ti pigghia, me figghia usau sulu ‘na palora r’affetto, picchì avi ri picciriddi chi si canuscinu

Vittoria: – Ma chi fici cci lu scuzzicai? ‘U sapi comu si rici?: I palori nun fannu pirtusa. Secunnu poi so figghiu, s’ ‘un pigghiu erruri, eni già maggiurenni er è iddu c’av’a dicidiri di la so vita.

Assunta – Certu doppu chi l’haiu nutricatu pi’ 18 anni, vor diri ca nun sugnu cchiù patruna di darici un bonu cunsigghiu!

Filumena: – Secunnu tia eni un bonu cunsigghiu, picchì tu hai li paraocchi, vai e veni tutti li jorna ri la chiesa, però lu viri a ddu poviru patri Cirillu ca eni comu ‘na addina straviata e macari corcuna lu vulissi…..*Lassamu perdiri va!

(*Sottinteso: Cunzulari)

Assunta – Comunchi senti a mia Vittò sai chi ti ricu me figghiu Piu cca nun ci av’ a veniri cchiù, picchì ammatula ca ti pettini e t’allisci, lu cuntu chi t’ha fattu ‘un t’arrinesci. Me figghiu Piu….

Filumena: – (Portando la mano sinitra sul lato destro della bocca come per escludere i presenti e con tono sommesso) Piu, piu fa ‘u puddicinu.

Assunta: – Chi dicisti?

Filumena: – E cu ha parratu?

Assunta: – Ahhh! Mi paria.

Filumena: – E picchì ‘un ti cummigghiavi!

Assunta: – Talé turnamu ô riscursu; stava ricennu ca me figghiu Piu è di lu Signuri (in modo frettoloso e sconnesso si segna col segno della croce). Lu nomu l’avi adattu pi essiri macari Papa: Papa Pio XIII

Vittoria e Filumena: – (Esplodono in una fragorosa risata e ad una voce) Certu, certu nun è vutti er è fattu acitu. Parrinu, parrinu! Ma tu e to figghiu nn’aviti firmatu cuntrattu? – ‘Un lu capisci ca sunnu volontà e oggi ci sû e dumani ‘un ci sû cchiù?

Assunta: – Ririti, ririti, tantu puru Don Cirillu mi l’ha dittu tanti voti: eni la mmiria chi vi mancia l’occhi.

Filumena: – Talééé!!! Ma quali ‘mmiria nca iu figghi masculi nunn haiu, e l’unica figghia fimmina chi haiu nun ci penza mancu luntanamenti a farisi matri batissa, vistu ‘nca papissa nun po’ essiri. Me figghia s’av’a maritari pigghiannusi a chiddu chi cci piaci e no a chiddu chi ci stricanu sutt’ ô nasu.

Sem. Pio: – (Si alza per andare via) Allora io vado in Chiesa quando torno continuiamo a studiare

Assunta: – Vai ‘n chiesa e pria puru pi’ chisti dui chi mettinu ‘n dubbiu ‘a volontà ru Signuri.

Filumena: – A diri la virità ju parrava di la volontà ri to figghiu, no du Signuri.

Assunta: – Talé me figghiu cci l’avi la volontà e la ‘ntilligenza r’addivintari: parrinu, viscuvu, cardinali, papa e puru chiossai, perciò viritivilla tutta.

Vittoria: – Pi’ carità di Diu, certu ca nni l’am’abbiriri tutta!

Assunta: – Comunchi mi nni vaiu ca stasira semu ‘nvitati a ‘na festa ri compleannu e lu guaiu è ca me figghiu Piu ‘un ci pô veniri e av’arristari sulu rintra, ma ju cci lassu ‘u manciari priparatu.

Vittoria: – E picchì av’a manciari tuttu sulu?

Filumena: – No, quannu mai, quannu torna ci ricu c’arrresta cca e mancia cu’ nuatri, si l’hai a piaciri, Assuntì.

Assunta: – Ma! comu vuliti fari, faciti. Vi salutu.

SCENA X

(Andatasene donna Assunta, restano Filomena e Vittoria a fare il punto della situazione)

Filumena: – Vittò senti chi facemu tu duni ‘na sbarazzata ca ju priparu ‘n’anticchia di tè e dui viscotta, r’accussì comu veni patri Cirillu mentri nni pigghiamu ‘u tè cci sciddicu ‘u riscursu.

Vittoria: – (Piena di gioia comincia a sistemare la stanza, mentre comincia a cantare, parodiandola, la canzone di D. Modugno: “Dio come ti amo”)

Pio… come ti amo

non è possibile

avere tra le braccia

tanta felicita’.

Baciare le tue labbra

mi piacerebbe tanto!

Noi due innamorati

come due fringuellini

Pio… come ti amo,

forse tu non lo sai.

In tutta la mia vita

ho amato solo te,

e credo che anche tu

hai amato solo me!

Chi puo’ fermare il fiume

che corre verso il mare.

Le rondini nel cielo

che vanno verso il sole

Chi può fermar l’amore

l’amor tra me e te

Pio come ti amo!!!!!

Pio come mi ami!!!!

Filumena: – Vittò ma chi canti? Cu t’ ‘a ‘nsignau sta canzuna?

Vittoria: – Eni chidda ri Domenico Modugno!

Filumena: – ‘U capivi!!!, però a mia mi pari ca nun è la stessa.

Vittoria: – ‘Nfatti, ju cci canciavi li palori.

Filumena: – Ah quantu si pazza!!!

Vittoria: – (Rimasta sola, mentre sistema la stanza, mettendo anche una tovaglietta da tè sul tavolinetto del salotto, riflette ad alta voce). Antura me soggira appi  ‘u curaggiu ri dirimi: «Mmatula ca ti pettini e t’allisci, lu cuntu chi t’ha fattu nun t’arrinesci», a Vittoria Potenza, a mia ca nun canusciu ‘a scunfitta. Certu mi lu ‘mmaginu comu s’av’a mettiri a fari e a diri, comu senti pi’ bucca di Patri Cirillu ca so figghiu Piu nun si voli cchiù fari parrinu. Ah, ah, ahhhh si quannu mi rissi ddu pruverbiu ju ci ricia ca so figghiu Pio mi ama e ju amu a iddu, vi lu ‘mmaginati chiddu c’avia a succeriri? Ma ju ‘a risposta a ddu pruverbiu pronta ci l’haiu e cci l’haiu a dari! (Suona il citofono e Vittoria corre ad aprire)

Cu è?

Dall’esterno: – Io sono, Padre Cirillo

SCENA XI

(Filomena, Vittoria, Padre Cirillo e Pio)

Vittoria: – Ossacchiana Parrì. Mamà veni cca, sta acchianannu patri Cirillu.

Filumena: – (Venendo dalla cucina) Vittò va viri ca ‘u tè è quasi pronto

Don Cirillo: – È permesso?

Filumena: – Trasissi parrì e sabenerica.

Don Cirillo: – Diu ti binirici, sugnu cca a disposizioni.

Vittoria: – (Entra in scena portando un vassoio con tre tazze, zuccheriera, teiera e un pacco di biscotti da forno) Sabenerica; eccu cca c’è tè e biscotta

Filumena: – Parrì oggi doppu chi si nni jiu vossia i picciotti, ‘ntennu me figghia Vittoria e Piu, sturiaru ‘na rancata ‘nzemmula. A Piu cci sirvia ‘u mocabolariu ri latinu, a Vittoria cci sirvia ‘na manu d’aiutu pi’ tradurri ‘na para di versioni. Piu, ca eni bravissimu ‘nto latinu, si prestau p’ajutalla.

Don Cirillo: – Va bene e cosa c’è stato di male?

Vittoria: – No nenti, ju, poi, essennu cchiù priparata ’nta matematica, cc’avissi duvutu spiegari cocchi cosa ri matematica, e l’avissi fattu cuntenta.

Don Cirillo: – Ma questo è meraviglioso aiutarsi scambievolmente fa parte della carità chistiana!

Filumena: – Fatalità vosi però ca a la prima versioni si ‘ntrupparu e nun pottiru iri cchiù avanti.

Don Cirillo: – Chi successi Vittoriuzza?

Vittoria: – ‘A prima versioni era un pizzuddu di li Bucolichi di Virgiliu e quannu Piu l’accuminciau a leggiri mi rissi subitu ca ‘u sapia a memoria e subitu mi fici ‘a traduzioni du primu versu chi dici:……………..

Don Cirillo: – (continua lui con la traduzione del primo verso) “Tutto vince l’Amore e noi cediamo all’Amore” (Guardando Filomena fisso negli occhi )

Filumena: – Parrì ma rici propriu d’accussì? O puru dici: Tuttu vinci l’Amuri e nuatri dui ciremu a l’Amuri.

Don Cirillo: – Ma, comu dici tu cara Filumena.

Vittoria: – ‘Nzumma parrì quannu ju dumannai a Piu si ‘nto menzu c’èra stu nummaru dui, Piu subitu mi rissi: comu dici tu cara Vittoria.

Don Cirillo: – Tuttu sacciu, già Piu mi cuntau tutti cosi prima chi ju vinissi cca. Certu ju lu sacciu quantu è dura….(lieve pausa) la vita di un poviru parrinu e pi’ mia ormai non c è cchiù rimeddiu, ma ddu picciutteddu av’a seguiri  lu so cori.

Filumena: – Però parrì cu’ Assunta comu si fa, sulu vossia la po’ cumminciri, basta ca idda si senti circata o, chi sacciu, attinziunata ri vossia ca idda tuttu capisci. A so maritu ca nun mi lu pozzu livari ri ‘mmenzu i peri ci penzu ju

Don Cirillo: – Cui Pircopiu? Chi fa ti ‘ncueta? Chistu mi dispiaci.

Filumena: – No parrì nun s’av’a dispiaciri ca ju i muschi mi li sacciu cacciari.

Vittoria: – Parrì accurzamu, parrassi cu me soggira, picchì ju e Piu nn’ amamu pirdutamente.

Don Cirillo: – Ora mi nni vaiu, ma stati tranquilli, beddi mei, tutti cosi boni hannu a beniri. ‘U Signuri vi binirici.

FINE DEL SECONDO ATTO

SCENOGRAFIA

Il terzo atto si svolge per intero in casa di Donna Assunta, all’ora di cena, che non si svolgerà come era stata prevista. Padre Cirillo, mentre aspettano che sia pronta la cena a base di pollo che consegneranno a domicilio ma con ritardo, presenta ad Assunta il fatto che suo figlio Pio non ha più, e forse non l’ha mai avuto, una vera e profonda vocazione, per cui si ritiene opportuno che meglio rinunciare ora che, magari, abbandonare l’abito talare dopo, per seguire il cuore che lo spinge verso l’avventura amorosa. Assunta a sentire queste parole sviene e don Cirillo, pronto a soccorrerla, la sostiene prima che crolli a terra e cerca di farla rinvenire facendole odorare una boccettina di profumo che Pio è andato a prendere nel bagno.Assunta rinvenuta Padre Cirillo prende congedoper inpegni che lo reclamano in Canonica. In apertura di scena donna Assunta indaffarata va e viene dalla cucina dando ordini a Pio e ad Angelo per imbandire la tavola

SCENA I

(Assunta, Pio, Angelo, Procopiu)

Assunta: – Piu, figghiu bonu, stasira avemu a la tavula un ospiti ri riguardu, perciò dammi ‘na manu, pi farimi fari bona fiura. Pigghia ‘nta ddu cassettu ‘a tuvagghia ricamata e la metti a tavula. Tu Ancilu metti 5 cuperti.

Angelo: – Ma’, ma cu’ ‘stu cavuru chi facemu cu 5 cuperti, r’accussì squaramu, cchiuttostu sconfezionamu l’aria cunfezionata.

Sem. Pio: – Angelo non devi mettere a tavola le coperte del letto, il coperto è composto da: Forchetta, coltello, cucchiaio, tovagliolo, bicchiere per l’acqua e bicchiere per il vino.

Assunta: – Senti a mia Ancilù lassa tuttu ca cci penza to frati, vai ô supermercatu e accatti un kilu di pani e dui kila di pesche, prima c’ ‘a putia chiuj

Angelo: – Ma’ cci vaju subitu però rammi i picciuli.

Assunta: – Teni cca cci sunnu 20 € e portami ‘u restu. Vatinni e torna prestu.

Sem. Pio: –  Mamma potrei sapere chi è quest’ospite di riguardo?

Assunta: – Lu patri parrucu stasira nni runa lu piaciri di manciari cu nuatri, perciò t’arricumannu di fariti truvari, quannu veni, cu’ la Bibbia ‘nte manu.

Procopio: – (Entra in scena in vestaglia e pantofole) Chi è, chi eni ‘u riscursu, ci istivu a la missa, matri e figghiu ora nun vogghiu cchiù sentiri parrari ri parrini, ri cosi ri chiesa né di saristani.

 Assunta: – Biiihhh! Chi ti susisti aghiru stamatina, cu’ quali peri scinnisti?

Procopio: – Cu’ chiddu giustu! Avissi speratu sempri ca me figghiu Piu, tantu ‘ntelligenti, prima o poi avissi caputu lu passu chi sta pi fari e s’avissi tiratu ‘nnarré. Ma nenti, e mentri passanu l’anni e nun succeri nenti. Ma mi lu voj diri tu un niputeddu a mia cu mi l’av’a dari? Nostru figghiu Ancilu, ca sfurtunatamenti nun sapi mancu s’è vivu? Oramai a Piu lu suttamittisti e ddu picciutteddu cala sempri ‘a testa a tuttu chiddu chi dici tu. Oggi si fa comu dicu ju: Piu va levati ssa faredda e va mettiti un vistitu quantu si viri ca si un omu.

Assunta: – Ah bedda matri, ma chissi bistemii sunnu. Perciò propriu oggi ca a tavula c’è patri Cirillu, s’av’a fari truvari c’ ‘u vistitu?

Procopio: – Patri Cirillu? E cu lu mmitau? Allura ju veru nenti cuntu rintra ‘sta casa? Ora cci telefoni e cci rici ca oggi a pignata resta sutta ‘ncapu, ca iddu ‘u capisci e va mancia a tratturia.

Assunta: – Ah chi vriogna, ma picchì arragiuni accussì?

Sem. Pio: –  Papà ti prego, per oggi lascia che padre Cirillo venga a cena qui da noi e ti faccio vedere che non te ne pentirai. Del resto si è invitato lui stesso e non si poteva dirgli di no. Io mi vado a cambiare, però per favore non continuate a litigare.

Procopio: – E va bene, pi’ oggi comu fu, fu! ma di rumani ‘n poi nun av’a succeriri cchiù. Ju mi vaju a canciu sti robi.

SCENA II

(Solo Assunta che riflette ad alta voce)

 Assunta: – Certu me maritu tantu tortu nun avi. A me figghiu Ancilu ju cci vulissi rari a Vittoria, ma dda picciuttedda tanta bona e tantu bedda s’ ‘u pigghia? Pi’ iddu ci voli Cristina ca eni appattari a iddu. Ju sugnu matri e chistu nun l’avissi a diri, però nun è ca pozzu ammucciari ‘u suli c’ ‘u crivu: me figghiu Ancilu è nnarriuliddu. Me figghiu Piu è tuttu n’avutra cosa, ‘ntilligenza n’avi ri vinniri, forsi ‘u Signuri, quannu accattavi ar Ancilu ci nni retti cchiù picca pinzannu di ralla poi tutta a Piu, macari picchì lu voli pi’ Iddu. Ma poi eni propriu chista la volontà d’ ‘u Signuri. A la fin fini si nun s’avissi a fari parrinu, a comu è ‘ntilligenti, si pô fari dutturi, avucatu o puru ‘ncigneri. Si poi si maritassi ‘na para di niputeddi mi piacissiru puru a mia. Però ora ca cci penzu me figghiu Ancilu aeri mi rissi ca si fici zitu cu’ Cristina, ‘a niputi ri Filumena, ju mancu ci fici casu, ma macari fussi veru. E allura picchì me figghiu Piu nun s’avissi a pigghiari a Vittoria? Però ju cci rissi aeri: “Mmatula ca ti pettini a t’allisci…”. No, nun pô essiri me figghiu Pio s’av’a fari parrinu e cu lu sapi si nun diventa, macari, Papa.

(Suona il citofono)

SCENA III

 (Assunta, Angelo, Pio, Cristina)

Assunta: – Cu è?

Ancilu: – Ma’, ju sugnu Ancilu, rapi. (Entra in compagnia di Cristina e tenendo in mano due involti….) Ca c’è un kilu ri pani e dui kila ri pisci.

Assunta: – Nca mai la fai ‘na cosa bona! Chi nn’ê  fari di li pisci, ju ti rissi pesche vordiri persichi, no pisci!!

Ancilu: – E tu picchì nun mi ricivi persichi ‘nveci di pesche, ‘nfatti è a la PESCHE-RIA chi vinninu pesche? No, pisci vinninu!!! E ju a la pesche-ria ivi.

Assunta: – (Rivolgendosi a Cristina che era rimasta un passo indietro…) Trasi Cristì, bedda mia! Comu mai pagghiri cca?

Cristina: – Nni vittimu cu Ancilu a putia e cci fici cumpagnia, vossia nun voli?

Ancilu: – Ma’, tu lu sai ca ju e Cristina semu ziti!

Assunta: – E bravu, a quantu pari t’arruspiggiasti!!!

Cristina: – Ancilu mi piaci, picchì è bonu, massaru e sinceru!

Ancilu: – Ma’,  ‘u sai chi ti ricu, a mia e Cristina quannu è ura nn’av’a maritari me frati Piu, si nun si spogghia e si marita puru iddu.

Sem. Pio: – (Entra in scena Pio indossando un pantalone blu e una maglietta manica lunga nera) Angelo sei tornato? – Ciao Cristina

Cristina: – Ciao Piu, allura chi fa ti spugghiasti?

Sem. Pio: – No, Cristina non vedi che sono vestito!

Ancilu: – Ma’, allura facemu ‘n‘atra cosa, ju e Piu nni maritamu tutti rui ‘nto stessu jornu? – Piu ti piaci ‘a me pinzata?

Cristina: – Piu, d’accussì addivintamu cugnati e cucini.

Assunta: – Ahh! Ma chi discursi faciti? Piu si misi chissi robbi pi’ stari ‘n’anticchia cchiù commiru. E poi cu’ cu s’avissi a maritari pi’ essiri puru cucini, sintemu?

Cristina: – ‘Nca cu’ me cucina Vittoria, si idda lu voli!!!

Assunta: – E picchì chi cci manca a me figghiu Piu ca è beddu comu un ancilu!

Cristina: – Allura chiddu beddu eni ‘u me zitu!!!

Assunta: – Vittoria forsi fa comu ‘u attu ca quannu ‘un pô arrivari a la saimi dici ca fa puzza ri ranciru!

Sem. Pio: – Mamma perché tutte queste discussioni, il Signore vede e provvede per cui mi illuminerà la mente e se la mia vocazione non vacilla sarò prete, al contrario, troverò una ragazza che mi renderà felice e a te regalerà qualche nipotino o nipotina.

Assunta: – Va bene figghiu miu sarà fatta la volonta di Diu.

SCENA IV

(Procopio, Angelo, Cristina, Pio, Assunta)

Procopio: – (Provenendo dalla camera da letto indossa un paio di jeans e una maglietta mezza manica) Piu figghiu miu ora si ca pozzu diri ca haju dui figghi masculi!!

Ancilu: – E pi’ ghiunta unu puru zitu!

Procopio: – Cu fussi stu figghiu r’accussì valenti?

Ancilu: – ‘Nca ju sugnu, patri e chista eni la me zita. (Prende per mano Cristina e gliela presenta)

Cristina: – Ju sugnu Cristina, ‘a figghia ri Pasquina ‘a soru ri me zia Filumena, Vossia c è cuntentu ca cu’ Ancilu semu ziti?

Procopio: – Certu ca sugnu cuntentu, ma fussi dui voti cuntentu, si si facissi zitu puru Piu.

Sem. Pio: – Papà non avere fretta, aspettiamo che venga don Cirillo e poi io ancora sono piccolo di età per queste cose. Diamo tempo al tempo.

Procopio: – Menu mali ca to frati Ancilu s’arruspigghiau.

Cristina: – È tardu!  ju mi nni vaiu picchì me ma’ perora mi va circannu.

Assunta: – (Venendo dalla cucina, si rivolge ad Angelo…) Ancilu, senti chi fai nesci arré e v’ accatta i persichi, ‘u capisti?

Ancilu: – ‘U capivi, quantu?

Assunta: – Du’ kila, a putia ri frutta e virdura. Cca cci su i picciuli e porta ‘u restu.

Cristina: – Bongionu a tutti a li longhi e a li curti.

SCENA V

(Assunta, Procopio, Pio, Angelo)

(Squilla il telefono e Assunta solleva la cornetta)

Assunta: – Pronto, pronto……..come? Sì, sì patri Cirillu, sabenerica…..mi ricissi…….. Allura chi fa veni doppu r’ ‘u rusariu, parrì? Va beni l’aspittamu.

Procopio: – Chi c’è Assuntì, ‘u parrinu ‘un pô beniri cchiù?

Sem. Pio: –  No papà, lascia che venga don Cirillo, perché credo che ha un compito da svolgere, perciò aspettiamo.

Assunta: – Chi c’è Piu ora i compiti ‘u parrinu ti li fa?

Sem. Pio: – No, mamma ho detto un compito per dire che forse ha qualcosa da dire, visto che si è invitato lui stesso.

(Suona il citofono Procopio va ad aprire)

Procopio: – Cu è?

(Dall’esterno…) Ancilu sugnu, rapimi pa’.

Ancilu: – Ma’ ca ci sunnu i persichi e lu restu.

Assunta: – Senti a mia Pircò vacci tu a piggiari ‘na pizza granni e una nica. Però ‘un perdiri tempu picchì già sunnu li setti e menza.

Procopio: – Ci staiu ennu, ma vogghiu sentiri chi avi di riri ‘stu parrinu. (Esce)

Sem. Pio: – Papà tu vacci e torna prestu ca ‘un ti nni penti.

Assunta: –  Piu ma tu chi sai? Chi è ‘u riscursu? Nun facemu ca eni cocchi cosa ri tintu? Mi pari a mia ca sutta sutta cocchi cosa stramma succiriu. Chi vriogna. Si eni zoccu penzu ju, cu av’affacciari cchiù ravanti ‘a porta?

Ancilu: – Vihhh! Ma’ comu ‘a fai traggica. Attenta a mia nun ti ‘nfasciari a testa prima ri rumpiritilla.

Assunta: – Ju mi vaju a canciu sti robi, v’arraccumannu si veni patri Cirillu, rapiticci e facitilu acchianari.

SCENA VI

(Angelo, Pio, Don Cirillo, Pasquina)

Ancilu: – Senti Piu ma tu nenti nenti sai, pô essiri ca Don Cirillu veni a diri nca ti vonnu ‘n siminariu pi’ cocchi occasioni ‘mpurtanti.

Sem. Pio: – Tutto è possibile, solo che mi picerebbe farmi le vacanze tranquillo e vicino alla mia famiglia.

Angelo: – E vicinu a Vittoria…..

Sem. Pio: – Zitto che se ti sente la mamma!!!

Angelo: – Ehhh! Zittu, zittu, chi scantu chi hai. A essiri omu, picchi tantu prima o poi l’av’a sapiri ca cu’ Vittoria….. (Viene interrotto dal suono del campanello. Pio va ad aprire, sperando che sia Don Cirillo, il suo liberatore)

Sem. Pio: – Chi è?

Voce fuori campo: – Sono io, padre Cirillo.

Sem. Pio: – Salga, salga!

Don Cirillo: – (Entrando…..) Sia lodato Gesù Cristo!

Sem. Pio: – Sempre sia lodato!

Angelo: – Sabenerica parrì

Don Cirillo: – Ragazzi dove sono i vostri genitori?

Sem. Pio: – Mio padre è andato in pizzeria e mia madre si sta cambiando d’abito.

(Suona di nuovo il citofono, Angelo va ad aprire)

Angelo: – Cu è ddocu?

Voce fuori campo: – Sugnu Pasquina ‘a matri ri Cristina!

Angelo: – Acchianassi, ma Cristina puru c’è?

(Mentre Angelo chiedeva di Cristina, Pasquina sale le scale e a contatto con lui, gli risponde).

Pasquina: – Ancilù, figghiu meu, Cristina acchianau nni so cucina Vittoria.

Angelo: – No, ma quannu mai, ju figghiu ri me ma’ sugnu, masinnò chi mi fici zitu cu me soru?

SCENA VII

(Assunta, Don Cirillo, Pasquina, Angelo, Pio,)

Assunta: – Oh, patri Cirillu, vossia già cca eni? (Porgendo la mano a don Cirillo, si china per baciargiela e si attarda in questo gesto) Assabinirica!

Don Cirillo: – Dio ti benedice! Dunque prima di tutto devo comunicarvi che non potrò restare per cena, perché alle otto mi aspetta in chiesa una coppia di ragazzi che si devono sposare e devono iscriversi per le pubblicazioni.

Assunta: – (Tenendogli ancora la mano) Finarmenti aviamu ‘u piaciri r’avillu a la nostra tavula e mancu a fallu apposta si cci mettinu pu’ menzu ‘sti picciotti cu’ ‘a testa sbintata

Pasquina: – Assuntì, viristi ô parrinu e chi fa annurvasti? Ju chi t’aju fattu can un mi saluti? Perciò chiddi chi s’hannu a maritari sunnu tutti cu’  ‘a testa sbintata? chi s’avissiru a fari tutti parrini e tutti monache? E tu picchì ti maritasti? E si tutti i picciotti si facissiru parrini e monache, i parrini a cu avissiru a vattiari? Picchì, armenu, parrini e monache figghi nun nni fannu.

Assunta: – Ma tu ‘u capisci ca ju staju tinennu ‘na manu cunsacrata e cchiù cci la tegnu cchiù m’arricchisciu ri la grazia divina. Chisti sunnu li manu chi cunsacranu pani e vinu!!!

Pasquina: – ‘Nca viri si patri Cirillu ‘sta manu ti la lassa d’accussì pô essiri ca ti santifichi

Angelo: – (Ridendo in modo sornione) E dunni ‘a tinemu? ‘Ncapu ‘u ‘tavulu o ‘ncapu ‘u comô? D’accussi paremu comu a famigghia Addams!

Sem. Pio: – Smettila Angelo che non c’è proprio da ridere.

Assunta: – Ah m’a’ scusari Pasquì (Le porge la mano) A propositu chi cumminanu li picciotti, si ficiru ziti?

Pasquina: – D’accussì dicinu, ma ju sugnu cuntenta, ora vulissi essiri farisi zita puru me niputi Vittoria, ca eni ‘na bedda picciuttedda e avi dirittu comu tutti l’avutri figghi di matri.

Angelo: – Parrì ‘u sapi ca mi fici zitu?

Don Cirillo: – Bravu beddu meu, e cu è sta zita?

Angelo: – (Indicando Pasquina) So figghia Cristina, parrì.

Don Cirillo: – E dov’è ora Cristina?

Angelo: – Eni cca ‘nfacciu, nni Vittoria!

Don Cirillo: – A proposito di Vittoria, a quanto pare anche lei si fidanza!

Assunta: – Chi sugnu cuntenta, eni ‘na bedda e brava picciuttedda; (portando l’incavo tra pollice e indice al mento) ma mi ricissi parri e cu fussi ‘stu zitidduzzu?

Don Cirillo: –  Vedi Assunta, viene sempre il momento in cui un uomo o un ragazzo si trova ad un bivio ed è necessario scegliere la propria strada da seguire.

Assunta: – Ma ‘nzumma parrì emu subitu  ô sucu du riscursu: Cu è?, Mi capiu? Cu e-n-i? (Scandendo)

Don Cirillo: –  Ehhh!, Assunta, Assunta, troppi castelli in aria avevi costruito!

Assunta: – Ma ju nun sugnu muraturi, ma chi dici parrì, ju costruivi casteddi, ma siddu avemu sulu ‘sta casa, quali casteddi!!! (Facendo roteare la mano destra in aria).

Don Cirillo: – Tu sai che io sono il padre spirituale di tuo figlio Pio e già dal passato Natale mi ha confidato che la sua vocazione vacillava e ieri mi ha detto che non intende più tornare in seminario e che anzi ha intenzione di fidanzarsi proprio con Vittoria

Assunta: –Ah ‘sta strafalaria, tantu rissi e tantu fici finu c’ arrinisciu a faricci perdiri la vucazioni a me figghiu e a ghiccarici ‘u lazzu ô coddu.

Pasquina: – Assuntì, prima d’ammintuari a me niputi sciacquati a vucca c’ ‘u bicabunatu

Assunta: – (Strappandosi le vesti e i capelli) Me figghiu Papa avia a essiri, Pio XIII s’avia a chiamari. (Sviene e don Cirillo riesce a sorreggerla, poggiando un ginoccio a terra e tenendole la testa sull’altra gamba)

Sem. Pio: – Mamma, mamma perché ti sei messa in testa queste idee?

Angelo: – Ma’, ma’ chi fa vo moriri? Giustu ora ca mi fici zitu?

Don Cirillo: – Pio, vai a prendere una bottiglietta di profumo.

(Suonano alla porta e Angelo va ad aprire)

Angelo: – Cu è?

Voce fuori campo: – Ancilù ju sugnu to patri.

Angelo: – Prestu, pa’ acchiana ‘a mamma voli moriri

SCENA VIII

(Assunta, Don Cirillo, Pasquina, Angelo, Pio, Procopio)

Procopio: – (Entrando vede subito sua moglie che con sguardo languido guarda don Cirillo che ha distolto il suo sguardo e lo ha indirizzato verso Procopio) Assuntì ma chi fai, voj moriri? Arré mi maritu!

Assunta: – (Sollevando il capo) Ahhh! Sì? Ti mariti arré? E cu cui?

Pio: –  Don Cirillo qui c’è il profumo!

Don Cirillo: – Non ce n’è più bisogno, tua madre è rinvenuta.

Assunta: – (Alzandosi si rivolge a suo marito) T’avissi piaciutu ca muria (fa le corna con tutte e due le mani) Tié, tié! Pi maritati cu’ Filumena, veru?

Pasquina: – Talé senti a mia, lassa stari a me soru, masinnò mancu la zitata ri me figghia si fa cchiù. Antura affinnisti a me niputi Vittoria, ora a me soru.

Procopio: – Ma ‘nzumma ‘u pozzu sapiri chi succiriu, e chi facivi cu la testa ‘ncapu la amma ru parrinu comu ru ‘nnamurati?

Pio: – Papà sai chi successi, quannu patri Cirillu ci rissi a mamma ca ju nun tornu cchiù ‘n seminariu ‘a mamma svinni

Procopio: – No, quannu mai, fici finta ri sveniri!!! Ah figghiu meu oggi mi facisti veramenti felici!!!

(Suona il citofono ed Pio che va ad aprire)

SCENA IX

(Assunta, Don Cirillo, Pasquina, Angelo, Pio, Procopio, Cristina, Vittoria, Filomena)

Pio: – Chi è?

Voci fuori campo: – Cristina, Vittoria e Filomena.

Pio: –  Salite, salite!! (Si ritrae verso l’interno e rivolto al fratello…) Angelo ‘a to zita sta acchianannu.

Angelo: – E ‘a to zita nun c’è?

Pio: –  Si puru sta acchianannu?

Procopio: – Ahhh! Puru chissu c’è? E cu eni?

Don Cirillo: – Scusate io purtroppo devo andare via perché ho dei doveri da assolvere. Mi raccomando accettate la volontà del Signore e voi giovani siate felici.

Cristina e Vittoria: –  È permissu? Putemu trasiri

Procopio: – Certu ca putiti trasiri. Trasennu vuatri, trasi la gioia ‘nta ‘sta casa

Don Cirillo: – (Va incontro a Filomena, le stringe la mano e gliela tiene mentre le parla) Cara Filomena tutto si è risolto i ragazzi possono essere felici, solo chi ha una certa età non ha più nulla da sperare.

Assunta: – Parrì ci la lassassi ‘sta manu e duna anticchia d’arenzia a mia.

Pasquina: – Assuntì nun ti scantari ca la manu a me soru nun ci la stacca.

Assunta: – Parrì, si nni va? Perciò nun resta pi’ manciari? E poi chi fa si va curca diunu?

Don Cirillo: – Assuntina nun ci pinzari, goriti sti figghi felici e anchi si Piu nun si duna a lu Signuri vol diri ca nun era chidda la so strata.

Assunta: – Chi pozzu diri, datu ca vossia dici d’accussì sia fatta la volontà ri Diu.

Don Cirillo: – Io vado via, il Signore vi benedica, specialmente queste due coppie di fidanzatini!

Vittoria: – Signura Assuntì, ‘u viri ‘u cuntu chi m’avia fattu m’arrinisciu senza pittinarimi o allisciarimi, ma ‘u cuntu chi s’avia fattu vossia nun ci arrinisciu, e si Piu nun sarà Papa pô essiri ca ju lu fazzu papà!

FINI